2025-2026-oqıw jılınan baslap pedagogikalıq baǵdardaǵı joqarı oqıw orınlarınıń studentleri ushın Abdulla Avloniy atındaǵı mámleketlik stipendiyası shólkemlestiriledi.

Bunnan baslı maqset, pedagogikalıq baǵdardaǵı joqarı oqıw orınlarında oqıp, ilimiy-izertlew jumısları menen shuǵıllanıp atırǵan, sonday-aq, bilimli hám qábiletli studentlerdi hár tárepleme qollap-quwatlawdan ibarat.

Bul stipendiya pedagogikalıq baǵdardaǵı hár bir joqarı oqıw ornınıń bakalavriat tálim baǵdarlarında oqıp atırǵan sońǵı eki kurstıń bir studentine tayınlanadı.

Maǵlıwmat ushın, Abdulla Avloniy stipendiyası 1 461 028 sumdı quraydı hám ápiwayı stipendiyadan 839 572 sumǵa kóp boladı. Házirgi waqıtta bul stipendiyaǵa respublikamızdaǵı pedagogikalıq baǵdardaǵı 13 joqarı oqıw ornınıń sońǵı 2 kursında oqıp atırǵan 74 480 student talaban bolıwı múmkin.

NMPI baspasóz xızmeti.