Gúlbahar Yusupbekova bıyılǵı oqıw jılında Ózbekstan Respublikası Ministrler Kabinetiniń 2017-jıl 14-noyabrdegi «Ózbekstan jaslar awqamınıń belsendi aǵzalarına joqarı oqıw orınlarına kiriwde jeńillikler beriw haqqında»ǵı 914-sanlı qararı tiykarında Ájiniyaz atındaǵı Nókis mámleketlik pedagogikalıq institutınıń milliy ideya, ruwxıylıq tiykarları hám huqıq tálimi baǵdarına mámleketlik grant tiykarında studentlikke usınıs etilgen edi.

Institut Jaslar awqamı baslanǵısh shólkeminiń belsendi aǵzaları qatnasıwında bolıp ótken ushırasıwda Ózbekstan jaslar awqamı sistemasında kóp jıllıq miynet stajına iye bolǵan pidayı, tábiyiy jetekshilik qábiletin kórsete alǵan, watansúyiwshi, jurt keleshegine xızmet etetuǵın, miynetsúygish hám basqa insanıy pazıyletler iyesi bolǵan jaslardı qollap-quwatlaw maqsetinde Ózbekstan jaslar awqamı Oraylıq Keńesiniń baslıǵı, Respublikalıq komissiyasınıń baslıǵı X.Sattarov tárepinen berilgen usınısnama Gúlbahar Yusupbekovaǵa saltanatlı túrde tapsırıldı.

Jaslar awqamı baslanǵısh shólkemi jetekshisi Bayrambay Gúlimbetov Gúlbahar Yusupbekovanıń aldaǵı oqıwlarında tabıslar tiledi.

NMPI baspasóz xızmeti.