Ájiniyaz atındaǵı Nókis mámleketlik pedagogikalıq institutı Anıq pánler fakultetinde jaslardı shańaraqlıq turmısqa tayarlaw, náshebentlik, ishiwshilik hám shegiwshilikke qarsı gúresiw, durıs awqatlanıw hám sawallandırıw baǵdarlamaların turmısqa engiziwge baǵdarlanǵan seminar bolıp ótti.

Ilajǵa fakultet dekanınıń jaslar menen islesiw boyınsha orınbasarı Xalmurat Esemuratov, institut psixologları Gúljamal Tóreniyazova hám Elmira Gúlimbetova, sonday-aq, fakultet tyutorları qatnastı.

Seminarda psixologlar tárepinen studentler arasında shańaraqlıq turmısqa durıs qatnas jasaw, emocionallıq turaqlılıq, stressti basqarıw hám salamat ortalıqtı jaratıw boyınsha paydalı usınıslar berildi.

Ilaj dawamında studentler menen interaktiv sáwbetlesiw hám soraw-juwaplar ótkerilip, salamat turmıs táriziniń insan ómirindegi ornı, zıyanlı ádetlerdiń awır aqıbetleri haqqında tolıq túsinikler berildi hám «Salamat turmıs – baxıtlı keleshek gilti» súrenin kúndelikli ádetke aylandırıw máseleleri úgit-násiyatlandı.

NMPI baspasóz xızmeti.