Búgin, 11-noyabr kúni Ájiniyaz atındaǵı Nókis mámleketlik pedagogikalıq institutı Ellikqala fakultetinde student-jaslar hám professor-oqıtıwshılardıń qatnasıwında «Jasıl mákan» ulıwma milliy joybarı sheńberinde abadanlastırıw hám kóklemzarlastırıw jumısları shólkemlestirildi.

Ilaj qatnasıwshıları fakultet átirapındaǵı jerlerge hár qıylı terek nállerin otırǵızdı.

Fakultette usı jıldıń gúz máwsiminde jámi eki mıń túp miyweli hám dekorativ terek nállerin otırǵızıw belgilengen bolıp, búgingi ekologiyalıq akciya sheńberinde 650 túp nál otırǵızıldı.

Institutta «Jasıl mákan» akciyası sheńberinde abadanlastırıw hám kóklemzarlastırıw jumısları dawam etpekte.