✅Qaraqalpaqstan Respublikası Joqarǵı Keńesi joqarı oqıw orınların tabıslı tamamlaǵan bilimli hám lider jaslardı Qaraqalpaqstan Respublikası Joqarǵı Keńesi hám Ministrler Keńesine ashıq tańlaw tiykarında jumısqa qabıl etetuǵının daǵazalaydı.

🔸Tańlaw tórt basqıshta bolıp ótedi:

➖1-basqısh – dáslepki úyreniw;
➖2-basqısh – test sınaqları;
➖3-basqısh – shıǵarma jazıw;
➖4-basqısh – sáwbetlesiw.

✍️Tańlaw talapları:

🔹Tańlawǵa 2023-2024- hám 2024-2025-oqıw jılında joqarı oqıw orınların tabıslı tamamlaǵan, sonday-aq, 2025-2026-oqıw jılında joqarı oqıw orınların pitkeriwshi Ózbekstan Respublikası puqaraları qatnasadı.

☝️Ústemlik beriledi:

🙋🏻‍♂️Tańlawda respublikalıq yamasa xalıqaralıq olimpiada hám tańlaw jeńimpazı, ilimiy maqala, startap yamasa innovaciyalıq joybar avtorı, mámleketlik yamasa xalıqaralıq stipendiya iyesi, shet tilin biletuǵın hám IT kónlikpelerine iye qatnasıwshılarǵa, sonday-aq, sociallıq qorǵaw reestrine kirgizilgen shańaraq perzentlerine ústemlik beriledi.

🤝Tańlaw jeńimpazı Qaraqalpaqstan Respublikası Joqarǵı Keńesi hám Ministrler Keńesine belgilengen tártipte ashıq tańlaw tiykarında jumısqa qabıl etiledi.

🔖Tańlaw qatnasıwshılarınıń onlayn arzaları 2026-jıldıń 1-aprel – 1-may aralıǵında Qaraqalpaqstan Respublikası Joqarǵı Keńesiniń www.tanlawjk.uz veb-saytı arqalı qabıl etiledi.

☎️Maǵlıwmat ushın telefon: +998612227477