Búgin, 7-aprel kúni Ájiniyaz atındaǵı Nókis mámleketlik pedagogikalıq institutında Ózbekstan jaslar isleri agentligi basqarma baslıǵı Z.Ataxanov jáne Ózbekstan Respublikası Joqarı bilimlendiriw, ilim hám innovaciyalar ministrliginen Sh.Raxmonov student-jaslar ushın jaratılǵan sharayatlardı kózden ótkerdi.

Institut rektorı w.w.a. Quvondiq Qodirov hám tiyisli juwapkerler institutta student-jaslardıń bos waqtın mazmunlı ótkeriw, atap aytqanda, olar arasında sport hám sawallandırıw ilajların shólkemlestiriw, sport dógerekleriniń jumısları, sonday-aq, «Studentler ligası» sport jarısların nátiyjeli jolǵa qoyıw baǵdarında ámelge asırılıp atırǵan jumıslar menen tanıstırdı.

Úyreniw dawamında jaslar arasında sporttı bunnan bılay da keń en jaydırıw boyınsha aldaǵı wazıypalar belgilep alınıp, juwapkerlerge tiyisli usınıslar bildirildi.

NMPI baspasóz xızmeti.