Ájiniyaz atındaǵı Nókis mámleketlik pedagogikalıq institutı Filologiya fakultetinde student-jaslardıń tálim-tárbiyası procesindegi qatnasın ele de bekkemlew, olardıń bilim alıwı hám ruwxıy jetikliginde ata-analar menen nátiyjeli birge islesiwdi támiyinlew maqsetinde ushırasıw shólkemlestirildi.

Ushırasıwǵa institut rektorı w.w.a. Q.Qodirov, rektor másláhátshisi Ǵ.Ibadullaev, korrupciyaǵa qarsı gúresiw bóliminiń baslıǵı Sh.Shamuratov, fakultet dekanı G.Begmuratova, kafedra baslıqları, professor-oqıtıwshılar, tyutorlar hám studentlerdiń ata-anaları qatnastı.

Ilaj dawamında studentlerdiń oqıw procesi, qatnası, ishki tártip-qaǵıydalarǵa ámel etiw jaǵdayı, sonday-aq, olardıń bos waqtın mazmunlı shólkemlestiriw máseleleri dodalandı.

Sonday-aq, ata-analarǵa perzentleriniń oqıwdaǵı jetiskenlikleri, orın alıp atırǵan mashqalalar hám olardı saplastırıw jolları boyınsha tolıq maǵlıwmat berildi.

Belsendi studentlerdiń ata-analarına minnetdarshılıq xatları tapsırıldı.

NMPI baspasóz xızmeti.