Usı jıldıń 22-23-aprel kúnleri Tashkent qalasında joqarı oqıw orınları studentleri arasında kibersporttıń «CS:2» baǵdarı boyınsha respublikalıq jarıs ótkeriliwi jobalastırılǵan.

Júzden aslam joqarı oqıw orınlarınıń komandaları qatnasıwı kútilip atırǵan jarıs Ózbekstan Respublikası Prezidentiniń «Kibersport túrlerin bunnan bılay da rawajlandırıw hám keń en jaydırıwǵa baylanıslı qosımsha ilajlar haqqında»ǵı qararı tiykarında Ilim hám tálim-tárbiyanı rawajlandırıw «Ziyo Forum» qorı tárepinen jaslardıń bos waqıtların mazmunlı shólkemlestiriw hám kibersport túrlerine jaslardı keńnen tartıw maqsetinde ótkerilmekte.

Jarısqa qatnasıw ushın Ájiniyaz atındaǵı Nókis mámleketlik pedagogikalıq institutı komandası da Tashkent qalasına jetip bardı.

Institutımız komandasına jarısta áwmet tileymiz!

NMPI baspasóz xızmeti.