Ájiniyaz atındaǵı Nókis mámleketlik pedagogikalıq institutında Hayal-qızlar másláhát keńesi tárepinen student-qızlar arasında salamat turmıs tárizin úgit-násiyatlaw, olardı ulıwma insanıylıq, milliy hám shańaraqlıq qádiriyatlar tiykarında tárbiyalaw, sonday-aq, olardıń jámiyetlik belsendiligin arttırıw maqsetinde shólkemlestirilgen «Tumaris izbasarları» sport jarısınıń institut basqıshı ótkerildi.

Jarısta qatnasıwshılar komandanı tanıstırıw, birinshi medicinalıq járdem, oqjaydan atıw, velosiped basqarıw, 100 metrge juwırıw hám basqa da shártler boyınsha óz imkaniyatların, fizikalıq tayarlıqların kórsetiwge háreket etti.

Komandalardıń hár bir shárt boyınsha nátiyjelerin tóreshiler quramı aǵzaları bahalap bardı.

Jarıs juwmaǵında jeńimpazlar anıqlanıp, kelesi joqarı oqıw orınları arasındaǵı basqıshqa jollama berildi.

NMPI baspasóz xızmeti.