Ájiniyaz atındaǵı Nókis mámleketlik pedagogikalıq institutında salamat turmıs tárizin úgit-násiyatlaw, student-jaslar hám pedagog xızmetkerlerdiń fizikalıq belsendiligin arttırıw maqsetinde «Salamatlıq kúni» sheńberinde azanǵı dene shınıqtırıw ilajı shólkemlestirildi.

Isbilermenler háreketi – Ózbekstan Liberal-demokratiyalq partiyası Qaraqalpaqstan Respublikası Keńesi menen birgelikte ótkerilgen ilajǵa institut rektoratı wákilleri, professor-oqıtıwshılar, tyutorlar hám student-jaslardan ibarat bes júzden aslam adam belsene qatnastı.

Azanǵı shınıǵıwlar tájiriybeli trener-oqıtıwshılar basshılıǵında alıp barılıp, onda qatnasıwshılar ushın hár qıylı fizikalıq shınıǵıwlar orınlandı. Dene shınıqtırıw procesi kóterińki ruwxta, muzıkalar astında shólkemlestirilip, barlıq qatnasıwshılarǵa pozitiv keypiyat inám etti.

Institutta «Salamatlıq kúni» sheńberindegi ilajlar dawam etedi.

NMPI baspasóz xızmeti.