Ájiniyaz atındaǵı Nókis mámleketlik pedagogikalıq institutı málimleme-resurs orayında VI Respublikalıq kitapqumarlar hápteligi sheńberinde student-jaslar hám professor-oqıtıwshılar ushın sırt el maǵlıwmatlar bazaları menen islew boyınsha ushırasıw shólkemlestirildi.

Ushırasıwdı málimleme-resurs orayı direktorı G.Jiyemuratova kiris sózi menen ashıp berdi.

Ilajda oraydıń sırt el málimleme-kitapxana resursları menen islew bólimi baslıǵı R.Amanbaeva hám videokonferenciyalıq baylanıs tárizinde «Clarivate» kompaniyasınıń aymaqlıq wákili, texnika ilimleri boyınsha filosofiya doktorı (PhD) D.Abdumuminova tárepinen dúnyanıń jetekshi ilimiy bazaları, elektron kitapxanalar hám onlayn platformalar haqqında tolıq maǵlıwmatlar berildi.

Sonday-aq, ilimiy maqalalardı izlew, saylaw, olardan durıs paydalanıw, silteme beriw qaǵıydaları hám akademiyalıq hadallıq principleri boyınsha ámeliy usınıslar bildirildi.

Ilaj sońında qatnasıwshılar ózlerin qızıqtırǵan sorawlarǵa qánigelerden tolıq juwap aldı.

NMPI baspasóz xızmeti.