Buxara qalasında joqarı oqıw orınlarınıń student-jasları arasında «Jurtım qádiriyatları» tańlawınıń úshinshi aymaqlıq yarım final basqıshı bolıp ótti.

Tańlawǵa Xorezm, Samarqand, Nawayı wálayatlarınan aymaqlıq basqısh jeńimpazları, sonday-aq, Qaraqalpaqstan Respublikasınan Ájiniyaz atındaǵı Nókis mámleketlik pedagogikalıq institutınıń «Jadidler izbasarları» komandası qatnastı.

Bul tańlawda komandalar milliy úrp-ádetler, dástúrler hám xalqımızdıń ruwxıy miyrasın ózinde jámlegen saxnalıq kórinislerdi kórsetip berdi. Tájiriybeli qánigelerden ibarat tóreshiler quramı qatnasıwshılardıń shıǵıwın kórkemlik talǵam, atqarıw sheberligi hám qádiriyatlardıń mazmunı ashıp berilgenligi tiykarında bahalap bardı.

Tańlaw juwmaǵında Ájiniyaz atındaǵı Nókis mámleketlik pedagogikalıq institutınıń «Jadidler izbasarları» komandası sıylı 2-orındı iyeledi.

NMPI baspasóz xızmeti.