Ájiniyaz atındaǵı Nókis mámleketlik pedagogikalıq institutında student-jaslardıń náshebentlik, psixotrop hám kúshli tásir etiwshi zatlarǵa qarsı gúresiw baǵdarındaǵı bilim jáne kónlikpelerin bahalaw, joqarı oqıw orınlarında náshebentliktiń zıyanlı aqıbetleri haqqındaǵı túsiniklerdi keń úgit-násiyatlaw, sonday-aq, dóretiwshilik jumıslar arqalı salamat turmıs tárizin keń en jaydırıw maqsetinde shólkemlestirilgen «Jaslar – náshebentlikke qarsımız!» respublikalıq tańlawınıń institut basqıshı bolıp ótti.

Tańlawda hár bir fakultetten bir komandadan qatnastı hám qatnasıwshılar shıǵarma jazıw, súwret salıw, qısqa videorolikler hám saxnalıq kórinis shártleri tiykarında óz tayarlıqların kórsetiwge háreket etti.

Solay etip, tańlaw juwmaǵında:

1-orın – Anıq pánler fakulteti;

2-orın – Filologiya fakulteti;

3-orın – Tábiyiy pánler fakulteti komandalarına nesip etti.

Jeńimpaz komanda tańlawdıń kelesi basqıshına jollama aldı.

NMPI baspasóz xızmeti.