Ájiniyaz atındaǵı Nókis mámleketlik pedagogikalıq institutı tayanısh doktorantı, Ózbekstan hám Qaraqalpaqstan Jazıwshılar awqamınıń aǵzası, shayır, Allayar Darmenov usı jıldıń 4-10-may kúnleri aralıǵında Italiyanıń Veneciya qalasında hár jılı dástúriy tárizde ótkeriletuǵın xalıqaralıq «La Biennale di Venezia» (Veneciya bienallesi) kórkem óner kórgizbesine qatnastı.

Bul kórgizbege Ózbekstan da birneshe jıldan berli turaqlı qatnasıp keledi. Bıyılǵı Ózbekstan pavilonı «The Aural Sea» temasında islengen bolıp, oǵan Allayar Darmenovtıń «Labirint» gúrrińi tiykar etip alınǵan.

Maǵlıwmat ushın, shayır 2015-jılı «Aral balıqları» ertekler dúrkinin járiyalaǵan hám bul kórgizbe shólkemlestiriwshileriniń dıqqatın tartıp, usı ertekler tiykarında 2026-jılı «Labirint» shıǵarması dóretilgen.

NMPI baspasóz xızmeti.