Búgin, 3-iyun kúni Ájiniyaz atındaǵı Nókis mámleketlik pedagogikalıq institutında joqarı oqıw orınlarınıń studentleri arasında náshebentlikke qarsı gúresiw hám salamat turmıs tárizin úgit-násiyatlawǵa baǵdarlanǵan «Jaslar – náshebentlikke qarsımız!» respublikalıq tańlawınıń aymaqlıq basqıshı bolıp ótti.

Tańlawǵa Qaraqalpaqstan Respublikası hám Xorezm wálayatındaǵı joqarı oqıw orınlarınan komandalar qatnastı.

Student-jaslardıń náshebentlik, psixotrop hám kúshli tásir etiwshi zatlarǵa qarsı gúresiw baǵdarındaǵı bilim jáne kónlikpelerin bahalaw, joqarı oqıw orınlarında náshebentliktiń zıyanlı aqıbetleri haqqındaǵı túsiniklerdi keń úgit-násiyatlaw, sonday-aq, dóretiwshilik arqalı salamat turmıs tárizin en jaydırıwdı maqset etken tańlawda qatnasıwshılar shıǵarma jazıw, súwret salıw, qısqa videorolikler, saxnalıq kórinis shártleri tiykarında óz qábiletlerin kórsetiwge háreket etti.

Tańlawdıń aymaqlıq basqıshı juwmaǵında:

1-orın – Ájiniyaz atındaǵı Nókis mámleketlik pedagogikalıq institutınıń «Jeńis» komandası;
2-orın – Úrgenish mámleketlik medicina institutınıń «Pediastra» komandası;
3-orın – Berdaq atındaǵı Qaraqalpaq mámleketlik universitetiniń «Jas mánawiyatshılar» komandasına nesip etti.

Jeńimpazlar hám sıylı orın iyeleri tańlawdıń respublikalıq basqıshına jollamanı qolǵa kirgizdi.

NMPI baspasóz xızmeti.