Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakulteti mektepke shekemgi tárbiya hám defektologiya kafedrası tárepinen «Áhmiyetli 90 kún» ilajları sheńberinde «Inklyuziv bilimlendiriwdiń aktuallıǵı hám pitkeriwshilerdiń bántligin támiyinlew» atamasındaǵı ushırasıw shólkemlestirildi.

Ushırasıwǵa arnawlı pedagogika: logopediya tálim baǵdarınıń pitkeriwshileri, sonday-aq, inklyuziv klasslar shólkemlestirilgen ulıwma bilim beriw mektepleriniń direktorları qatnastı.

Ilajda mektepke shekemgi tárbiya hám defektologiya kafedrasınıń baslıǵı J.Bekmanova, Qaraqalpaqstan Respublikası Mektepke shekemgi hám mektep bilimlendiriwi ministrliginiń juwapker qánigesi M.Ómirzaqova shıǵıp sóylep, pitkeriwshilerdiń bántligin támiyinlew baǵdarındaǵı jumıslar haqqında áhmiyetli maǵlıwmatlar berdi.