Búgin, 18-iyun kúni saat 07:00 de futbol boyınsha Ózbekstan milliy saylandı komandası jáhán chempionatınıń birinshi turı sheńberinde Kolumbiya komandasına qarsı oyınǵa tústi.

Paytaxtımız Nókis qalası «Doslıq» kanalı boyındaǵı jaslar maydanshasında úlken monitorda bul oyın tikkeley efirde alıp kórsetildi.

Ilajǵa Qaraqalpaqstan Respublikası Joqarǵı Keńesi hám Ministrler Keńesiniń juwapkerleri, ministrlikler, mákeme, shólkemlerdiń xızmetkerleri, oqıw orınlarınıń jámááti, sonday-aq, keń jámiyetshilik wákilleri qatnastı.

Milliy komandamızdıń tariyxıy oyının Ájiniyaz atındaǵı Nókis mámleketlik pedagogikalıq institutı jámááti hám student-jasları da usı orınnan tamashalap, qollap-quwatladı.

Tájiriybeli Kolumbiya futbolshılarına múnásip qarsılıq kórsete alǵan milliy komandamız joqarı dárejedegi oyın alıp bardı. Eń baslısı, jáhán chempionatında dáslepki golımızdı kirgiziwge eristik hám bunı 60-minutta Abbosbek Fayzullaev ámelge asırdı.

Institut jámááti komandamızdı kelesi tur oyınlarında da joqarı dárejede qollap-quwatlaydı hám tabıslar tileydi.

NMPI baspasóz xızmeti.