Ájiniyaz atındaǵı Nókis mámleketlik pedagogikalıq institutında Hayal-qızlar másláhát keńesi tárepinen fakultet dekanlarınıń hayal-qızlar máseleleri boyınsha másláhátshileriniń 2025-2026-oqıw jılı dawamında ámelge asırǵan jumıslarınıń nátiyjeleri boyınsha jıllıq esapları kórip shıǵıldı.

Jıynalıs dawamında dekan másláhátshileri tárepinen oqıw jılı dawamında student-qızlardıń bilim alıwı, bos waqtın mazmunlı shólkemlestiriw, ruwxıy-aǵartıwshılıq ilajlarına qatnastırıw, sociallıq qorǵawǵa mútáj, sonday-aq, mashqalalı kategoriyadaǵı student-qızlar menen alıp barılǵan mánzilli jumıslar, olardıń huqıq hám máplerin qorǵaw baǵdarında ámelge asırılǵan ilajlar haqqında tolıq maǵlıwmat berildi.

Sonday-aq, student-qızlardıń bántligin támiyinlew, kásiplik kónlikpelerin rawajlandırıw, salamat turmıs tárizin úgit-násiyatlaw, erte neke hám túrli unamsız jaǵdaylardıń aldın alıw, sociallıq-ruwxıy ortalıqtı bunnan bılay da jaqsılawǵa baǵdarlanǵan jumıslardıń nátiyjeleri de analizlendi.

Esaplardı kórip shıǵıw procesinde erisilgen nátiyjeler menen birge orın alǵan kemshilikler hám olardı saplastırıw boyınsha usınıslar da dodalanıp, kelesi oqıw jılı ushın baslı wazıypalar belgilep alındı.

NMPI baspasóz xızmeti.