Ájiniyaz atındaǵı Nókis mámleketlik pedagogikalıq institutında student-jaslar arasında huqıqıy mádeniyattı arttırıw jáne náshebentlik hám psixotrop zatlardıń nızamsız aylanısına qarsı gúresiw baǵdarındaǵı nızamshılıqtaǵı jańalıqlardıń mazmunın túsindiriw maqsetinde úgit-násiyat ilajı shólkemlestirildi.

Ilajǵa Qaraqalpaqstan Respublikası sudınıń sudyası D.Razov, Jınayat isleri boyınsha Nókis qalalıq sudınıń sudyası D.Srajatdinov, instituttıń hayal-qızlar máseleleri boyınsha profilaktika inspektorı, aǵa leytenant M.Narımbetova, sonday-aq, jaslar tárbiyası boyınsha juwapkerler hám student-jaslar qatnastı.

Onda qatnasıwshılarǵa «Ózbekstan Respublikasınıń ayırım nızam hújjetlerine náshebentlik hám psixotrop zatlar yamasa olardıń analogları jáne kúshli tásir etetuǵın qurallardıń nızamǵa qayshı aylanısı ushın juwapkershilikti jetilistiriwge qaratılǵan qosımshalar hám ózgerisler kirgiziw haqqında»ǵı nızamnıń mazmunı tolıq túsindirildi.

Ilaj dawamında bul nızam menen nızamsız aylanısqa qarsı gúresiw mexanizmleri kúsheytilgeni, bunday túrdegi huqıqbuzarlıqlar hám jınayatlar ushın juwapkershilik sharaları jetilistirilgeni, sonday-aq, jaslardı zıyanlı illetlerden saqlaw hám salamat turmıs tárizin úgit-násiyatlaw máselelerine ayrıqsha itibar qaratıldı.

Ushırasıw juwmaǵında qatnasıwshılar ózlerin qızıqtırǵan sorawlarǵa qánigeler tárepinen tolıq juwaplar aldı.