Ájiniyaz atındaǵı Nókis mámleketlik pedagogikalıq institutınıń «Nur» komandası respublikalıq kólemde ótkerilgen «Jaslar – náshebentlikke qarsımız!» tańlawında sıylı 2-orındı iyelep, 150 million sum muǵdarındaǵı aqshalay sıylıqtı qolǵa kirgizgeni múnásibeti menen institutta saltanatlı kútip alındı.

Ilajǵa institut rektorı w.a. Quvondiq Qodirov, professor-oqıtıwshılar, tyutorlar, student-jaslar hám komanda aǵzaları qatnastı. Shıǵıp sóylegenler «Nur» komandasınıń bul tabısı institut jámááti ushın úlken maqtanısh ekenin atap ótip, jaslardıń náshebentlikke qarsı gúresiw, salamat turmıs tárizin úgit-násiyatlaw baǵdarındaǵı baslamaları joqarı itibarǵa iye bolǵanın atap ótti.

Sonday-aq, komanda aǵzalarına qızǵın qutlıqlawlar bildirilip, aldaǵı jumıslarında jáne de úlken tabıslar tiledi.

Tańlaw ushın tayarlanǵan videorolik qatnasıwshılar itibarına usınıldı.

NMPI baspasóz xızmeti.