Berdaq atındaǵı Qaraqalpaq mámleketlik universitetinde respublikamızdaǵı barlıq joqarı oqıw orınlarınıń student-jasları qatnasıwında «Bir Watan, bir xalıq bolıp, jańa ómir hám keleshek jaratamız!» súreni tiykarında ótkerilgen «Talaba FEST» festivalı sheńberinde «Studentler baslamaları» ushırasıwı shólkemlestirildi.

Ilajda shıǵıp sóylegenler mámleketimizde jaslarǵa jaratılıp atırǵan keń imkaniyatlar, joqarı bilimlendiriw sistemasında ámelge asırılıp atırǵan reformalar, innovaciyalıq joybarlar hám studentlerdiń baslamaların qollap-quwatlaw máseleleri haqqında maǵlıwmat berdi.

Ushırasıw dawamında jaslardıń ilim, bilimlendiriw, mádeniyat hám sport tarawlarındaǵı belsendiligin bunnan bılay da arttırıw boyınsha usınıslar bildirildi.