Ájiniyaz atındaǵı Nókis mámleketlik pedagogikalıq institutınıń student-jasları «Áhmiyetli 90 kún» sheńberinde Tashkent qalasında jaylasqan Ózbekstan Islam civilizaciyası orayına bardı.

Sapar dawamında studentler oraydıń jumısı, elimizdiń bay tariyxıy-mádeniy miyrası, ullı oyshıllarımızdıń ilim hám aǵartıwshılıqtıń rawajlanıwına qosqan úlken úlesi menen jaqınnan tanıstı. Sonday-aq, oraydaǵı zamanagóy ekspoziciyalar, siyrek ushırasatuǵın qoljazbalar hám tariyxıy eksponatlar jaslardıń úlken qızıǵıwshılıǵına sebep boldı.

Bul ilaj studentlerdi milliy hám ulıwma insanıylıq qádiriyatlarǵa húrmet ruwxında tárbiyalaw, tariyxıy miyrasımızdı tereńirek túsiniw hám ruwxıy dúnyaqarasın bayıtıwǵa xızmet etti.

«Áhmiyetli 90 kún» sheńberinde jaslardıń bos waqtın mazmunlı shólkemlestiriw, olardıń bilim hám oy-órisin arttırıwǵa qaratılǵan ilajlar dawam ettirilmekte.

NMPI baspasóz xızmeti.