Ájiniyaz atındaǵı Nókis mámleketlik pedagogikalıq institutınıń student-jasları «Áhmiyetli 90 kún» sheńberinde Tashkent qalasındaǵı «Jeńis baǵı» estelik kompleksine sayaxat etti.

Sayaxat dawamında studentler Ekinshi jer júzilik urıs jıllarında xalqımızdıń mártligi, front hám front artındaǵı pidayı miyneti haqqında tolıq maǵlıwmatlarǵa iye boldı. Baǵ aymaǵındaǵı tariyxıy kompoziciyalar, estelikler hám ekspoziciyalar jaslardıń Watan tariyxına bolǵan qızıǵıwshılıǵın ele de arttırdı.

Studentler elimizdiń tınıshlıǵı hám abadanlıǵı jolında janın pidá etken ata-babalarımızdıń esteligine húrmet kórsetip, olardıń qaharmanlıǵı hám mártligi haqqında pikir alıstı. Bul sayaxat jaslarda watan súyiwshilik sezimlerin bekkemlew, tariyxıy estelikti qásterlep saqlaw hám milliy qádiriyatlarǵa sadıqlıq ruwxın kúsheytiwge xızmet etti.

«Áhmiyetli 90 kún» sheńberinde jaslardıń ruwxıy dúnyaqarasın bayıtıw hám bos waqtın mazmunlı shólkemlestiriwge baǵdarlanǵan ilajlar dawam etpekte.

NMPI baspasóz xızmeti.