Nókis qalasında Isbilermenler háreketi – Ózbekstan Liberal-demokratiyalıq partiyası Siyasiy Keńesi Atqarıw komiteti, Ózbekstan Respublikası Oliy Majlisi Nızamshılıq palatasındaǵı ÓzLiDeP frakciyası, Ózbekstan fermerler keńesiniń baslıǵı Aktam Xaitovtıń jaslar menen ushırasıwı bolıp ótti.

Ushırasıwǵa Nókis qalasınıń hákimi Abat Daniyarov, Ózbekstan Respublikası Oliy Majlisi Nızamshılıq palatasınıń Agrar hám suw xojalıǵı máseleleri komitetiniń baslıǵı Ravshan Mamutov, Nızamshılıq palatasınıń deputatı Adhambek Ismailov, sonday-aq, deputatlar, partiya belsendileri, «Jaslar qanatı»nıń aǵzaları qatnastı.

Ilaj dawamında Ózbekstan Respublikası Prezidentiniń usı jıldıń 30-iyun kúni jaslar menen ótkergen ushırasıwında belgilengen tiykarǵı wazıypalar, jaslarǵa jaratılıp atırǵan jańa imkaniyatlar, bilimlendiriw, isbilermenlik, bántlik hám qábiletli jaslardı hár tárepleme qollap-quwatlawǵa qaratılǵan baslamalar boyınsha hár tárepleme pikir almasıldı.

Quwanıshlısı, ushırasıwǵa qatnasqan belsendi jaslar qatarında Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti biologiya tálim baǵdarınıń 3-kurs studenti, kóplegen respublikalıq tańlawlardıń jeńimpazı Kúmisay Qızılbaeva da qatnasıp, óz usınısların bildirdi hám partiya tárepinen húrmet jarlıǵı jáne planshet penen sıylıqlandı.

NMPI baspasóz xızmeti.