Búgin, 23-iyul kúni Ájiniyaz atındaǵı Nókis mámleketlik pedagogikalıq institutında Máhállelerde jaslar menen islesiw boyınsha Respublikalıq komissiyası jumısshı toparınıń shólkemlestiriw máselelerine arnalǵan jıynalısı bolıp ótti.

Atap ótilgenindey, usı jıldıń 30-iyun – Jaslar kúninde mámleketimiz basshısı tárepinen jaslar menen ótkerilgen ushırasıwda tarawdı rawajlandırıwǵa baǵdarlanǵan 50 ge shamalas baslı wazıypalar belgilep berilgen edi. Usı tapsırmalardıń orınlanıwın támiyinlew maqsetinde Respublikalıq jumısshı topar tárepinen aymaqlarda úyreniw jumısları baslandı.

Respublikalıq komissiyası jumısshı toparı tórt toparǵa bólingen halda Qaraqalpaqstan Respublikası, Xorezm, Samarqand hám Jizzaq wálayatlarında jaslar menen islesiw sistemasın úyreniw jumısların alıp baradı.

Úyreniwler dawamında komissiya tárepinen jaslar isbilermenligin qollap-quwatlaw, bántlik hám zamanagóy kásiplerge oqıtıw, jaslar infrastrukturasın rawajlandırıw, sociallıq járdem hám huqıqbuzarlıqlar profilaktikası sıyaqlı tiykarǵı baǵdarlar analizlenip, tiyisli sistemalar islep shıǵıladı.

Úyreniwlerdiń juwmaǵı boyınsha anıqlanǵan mashqalalar ornında sheshiledi hám hár bir aymaq kesiminde juwapkerler belgilengen aymaqlıq «jol kartaları» tastıyıqlanadı.

NMPI baspasóz xızmeti.