Sırt el hám mámleketlik emes joqarı bilimlendiriw shólkemlerinen respublikalıq joqarı bilimlendiriw mákemeleriniń sáykes hám túrles tálim baǵdarlarına studentlerdiń oqıwın kóshiriw boyınsha test sınaqları usı jıl 19-20-avgust kúnleri bolıp ótedi.

Test sınaqları eki smenada shólkemlestirilip:

1-smena – 08:00 den 11:00 ge shekem;

2-smena – 15:00 den 18:00 ge shekem bolıp ótedi.

Bunda abiturientler test sınaǵı ótkeriletuǵın aymaqqa test sınaǵı baslanıwınan keminde 1 yarım saat aldın pasport (ID-karta) hám abiturient ruxsatnaması menen keliwi, sonday-aq:

1-smenada 07:30 ǵa shekem;

2-smenada 14:30 ǵa shekem tekseriwlerden ótken halda óz ornına jaylasıwı kerek.

Test sınaqları 2 qánigelik hám 3 májbúriy pán boyınsha ótkeriledi hám talabanlarǵa qánigelik pánlerden 30 dan, májbúriy pánlerden 10 nan – jámi 90 test tapsırması hám olardı islew jáne juwaplar betine kóshiriw ushın 3 saat waqıt beriledi.

Talabanlar test sınaǵında qatnasıw ushın ruxsatnamanı Bilimdi bahalaw agentliginiń my.uzbmb.uz saytınan alıwı múmkin.

NMPI baspasóz xızmeti.