Joqarı bilimlendiriw mákemeleriniń bakalavriat tálim baǵdarlarına kiriw test sınaqlarınıń nátiyjesinen narazı bolǵan abiturientler apellyaciyalıq arzaların my.uzbmb.uz saytı (jeke kabineti arqalı) onlayn tárizde 15-avgusttan 24-avgustqa shekem (10 kún dawamında) beriwi múmkin.

Abiturient apellyaciyalıq shaǵım beriwi ushın test sınaǵında qatnasqan hám test sınaǵınan shetletilmegen bolıwı kerek.

Apellyaciyalıq arzasın bergen abiturientke onı kórip shıǵıw sánesi hám waqtı kórsetilgen xabarnama beriledi.

Abiturient xabarda belgilengen waqıtta shaxsın tastıyıqlawshı hújjet hám xabarnama menen Bilimdi bahalaw agentligine (yamasa xabarda belgilengen jerge) keliwi kerek.

Apellyaciyalıq shaǵımlardı kórip shıǵıw 2026-jıl 19-avgusttan baslanadı.