Búgin, 7-sentyabr kúni Ájiniyaz atındaǵı Nókis mámleketlik pedagogikalıq institutında jańa 2026-2027-oqıw jılı «Bir Watan, bir xalıq bolıp, jańa turmıs hám keleshek qurayıq!» súreni tiykarında shólkemlestirilgen «Ǵárezsizlik sabaqları» menen baslandı.

Institut rektorı w.a. Quvondiq Qodirov tárepinen alıp barılǵan sabaq dawamında ǵárezsizlik dáwirinde mámleketimizdi hár tárepleme rawajlandırıw, xalıqtıń turmıs abadanlıǵın támiyinlew, bilimlendiriw tarawında ámelge asırılıp atırǵan reformalar hám olardıń áhmiyeti, sonday-aq, jadidshilik háreketiniń belgili tulǵaları, repressiya qurbanları bolǵan ziyalı ata-babalarımızdıń iygilikli xızmetleri haqqında jaslarǵa tolıq maǵlıwmatlar berildi.

Institutta jańa oqıw jılı sheńberinde «Tanıstırıw hápteligi» ilajları da ótkeriliwi belgilengen.

NMPI baspasóz xızmeti.