1-oktyabr – Muǵallimler hám ustazlar kúni múnásibeti menen Ájiniyaz atındaǵı Nókis mámleketlik pedagogikalıq institutında professor-oqıtıwshı hayal-qızlar arasında «Zakovat-Quiz» intellektual oyını boyınsha jarıs shólkemlestirildi.

Kóterińki keypiyatta ótkerilgen intellektual jarısta institut fakultetleriniń bilimli hám belsendi professor-oqıtıwshılarınan dúzilgen komandalar qatnastı.

Jarıstan gózlengen tiykarǵı maqset – muǵallimler hám ustazlar bayramın mazmunlı ótkeriw, professor-oqıtıwshılar arasında doslıq hám dóretiwshilik ortalıqtı ele de bekkemlew, olardıń intellektual potencialı, dúnyaqarası hám komanda bolıp islew kónlikpelerin kórsetiw ushın imkaniyat jaratıwdan ibarat.

Jarıs dawamında qatnasıwshılarǵa tariyx, ilim, ádebiyat, kórkem óner, mádeniyat, logika hám basqa tarawlarǵa baylanıslı sorawlar berildi. Hár bir soraw komandalardan tereń bilim menen birge jedel pikirlew, logikalıq analizlew hám durıs qarar qabıl etiw qábiletin de talap etti.

Oǵada qızǵın hám bayramǵa say ruwxta ótken oyın juwmaǵında:

1-orın – Mektepke shekemgi hám baslawısh tálim fakulteti;
2-orın – Anıq pánler fakulteti;
3-orın – Tariyx fakulteti komandalarına nesip etti.

Jarıs qatnasıwshıları hám jeńimpazları diplom, medal, húrmet jarlıǵı jáne kásiplik awqamı komiteti tárepinen tayarlanǵan bayram sawǵaları menen sıylıqlandı.

NMPI baspasóz xızmeti.