2026-2027-oqıw jılı ushın mámleketlik joqarı bilimlendiriw shólkemleriniń bakalavriat tálim baǵdarlarına kiriw imtixanlarında tólemli kontrakt tiykarında usınıs etilgen qaraqalpaqstanlı jaslar ushın maqsetli qabıllaw parametrleri (qosımsha grant orınları) sheńberinde tańlawda qatnasıw imkaniyatı jaratıldı.

Dizimnen ótiw procesi 2026-jıl 2-6-oktyabr kúnleri my.uzbmb.uz platforması arqalı ámelge asırıladı.

Talabanlar my.uzbmb.uz saytındaǵı jeke kabineti arqalı ózleri usınıs etilgen joqarı bilimlendiriw shólkemi hám tálim baǵdarı boyınsha maqsetli tańlawda qatnasıwǵa kelisim bildirip dizimnen ótiwi kerek.

Tańlawda qatnasıw talapları:

– Kiriw imtixanlarında 68,0 hám onnan joqarı ball toplaǵan bolıwı;

– Kúndizgi bilimlendiriw formasına tólemli kontrakt tiykarında usınıs etilgen bolıwı;

– Qaraqalpaqstan Respublikasında turaqlı jasawı;

– Ulıwma orta, orta arnawlı hám kásiplik bilimlendiriw shólkemlerin Qaraqalpaqstan aymaǵında tamamlaǵan bolıwı.

Dizimnen ótken abiturientlerdiń toplaǵan balları izbe-izligine qatań ámel etken halda tańlaw nátiyjeleri járiyalanadı hám 2026-jıl 10-oktyabrge shekem tiyisli joqarı bilimlendiriw shólkemlerine jetkeriledi.

NMPI baspasóz xızmeti.