Prezident «Ayırım mámleketlik joqarı bilimlendiriw mákemeleriniń basqarıw sistemasın bunnan bılay da jetilistiriw ilajları haqqında»ǵı 2026-jıl 2-oktyabrdegi PQ-358-sanlı qararına qol qoydı.

Qarar menen tómendegiler belgilendi:

Mektepke shekemgi hám mektep bilimlendiriwi ministrligi jáne Qánigelestirilgen bilimlendiriw mákemeleri agentligi sistemasındaǵı 17 joqarı bilimlendiriw mákemesi Joqarı bilimlendiriw, ilim hám innovaciyalar ministrligi sistemasına ótkerildi.

Ózbekstan milliy pedagogikalıq universiteti Nizamiy Ganjaviy atındaǵı Ózbekstan milliy pedagogikalıq universiteti dep qayta ataldı.

Mektepke shekemgi hám mektep bilimlendiriwi ministrliginiń pedagog kadrlar tayarlaw tarawındaǵı tómendegi wazıypaları Joqarı bilimlendiriw, ilim hám innovaciyalar ministrligine júklendi:

– birden-bir konceptuallıq qatnas tiykarında joqarı maǵlıwmatlı pedagog kadrlar tayarlaw siyasatın júrgiziw;

– pedagogikalıq bilimlendiriw tarawın rawajlandırıwdıń tiykarǵı baǵdarların belgilew;

– pedagogikalıq bilimlendiriwdiń úzliksizligin hám izbe-izligin, tálim-tárbiya procesine aldınǵı pedagogikalıq hám málimleme texnologiyaların engiziwdi támiyinlew;

– pedagogika tarawında ilimiy-izertlew hám innovaciyalıq jumıstı rawajlandırıw;

– pedagogika tarawında kadrlar tayarlaytuǵın joqarı bilimlendiriw mákemeleriniń basqarıw sistemasın jetilistirip barıw.

NMPI baspasóz xızmeti.