2026-2027-oqıw jılı ushın Ózbekstan Respublikası Prezidenti hám ataqlı mámleketlik stipendiyalarǵa talaban bakalavriat hám magistratura basqıshı studentleri ushın 2026-jıl 10-oktyabr kúni ótkerilgen arnawlı test sınaqlarınıń nátiyjeleri járiyalandı.

Test sınaqları Bilim hám mamanlıqlardı bahalaw agentligi tárepinen Qaraqalpaqstan Respublikası, wálayatlar hám Tashkent qalasında Ózbekstan tariyxı, málimleme texnologiyaları hám shet tilleri pánleri boyınsha shólkemlestirildi.

Test nátiyjelerin qay jerden kóriw múmkin?

Talabanlar test sınaqları nátiyjeleri menen my.edu.uz elektron sistemasındaǵı jeke kabinetleri arqalı tanısıwı múmkin.

Apellyaciya beriw tartibi

Test nátiyjelerinen narazı bolǵan talabanlar 20-oktyabr kúni saat 10:00 ge shekem my.edu.uz elektron sisteması arqalı apellyaciyalıq arzasın jiberiwi múmkin.

Apellyaciyalıq arzasında anıq qaysı pán hám qaysı másele boyınsha nátiyjeden narazı ekenligi anıq kórsetiliwi kerek.

Barlıq talabanlardan test nátiyjeleri menen tanısıwı hám zárúr jaǵdaylarda belgilengen múddette apellyaciyalıq arzasın jiberiwi soraladı.