Ájiniyaz atındaǵı Nókis mámleketlik pedagogikalıq institutı akademiyalıq liceyi oqıwshısı Pirniyazov Azizbek Kuniyazovich xalıqaralıq kólemde tán alınǵan IELTS hám SAT imtixanlarında joqarı nátiyjelerdi kórsetti.

Azizbek inglis tilin biliw dárejesin tastıyıqlawshı IELTS imtixanınan 8.5 ball, sonday-aq, SAT imtixanınan 1500 ball toplap, óziniń bilim hám potencialın kórsetti hám joqarı oqıw orınlarına imtixansız student bolıw baxtına miyasar boldı.

Bul joqarı nátiyje oqıwshınıń tınımsız izleniwi, maqsetke umtılıwı hám puqta tayarlıǵı, sonday-aq, akademiyalıq liceyde bilimlendiriwdiń sapasın arttırıw, qábiletli jaslardı qollap-quwatlaw hám olardıń xalıqaralıq kólemdegi básekige shıdamlılıǵın támiyinlew jolında alıp barılıp atırǵan jumıslardıń áhmiyetli nátiyjesi bolıp esaplanadı.

Azizbekti usı quwanıshlı jetiskenligi menen qızǵın qutlıqlaymız! Keleshektegi oqıw hám izleniwlerinde úlken tabıslar, jańa shekler hám bunnan da joqarı nátiyjeler tileymiz!

NMPI baspasóz xızmeti.