Tashkent qalasında 20 jasqa shekemgi erler hám qızlar arasında regbi-7 boyınsha Ózbekstan chempionatı jarısları bolıp ótti.

Úsh tur dawam etken jarısta Qaraqalpaqstan Respublikası qızlar komandası sıylı 2-orındı iyeledi.

Áhmiyetlisi, respublikamız komandası quramında Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń 2-kurs studentleri Aziza Qádirbergenova hám Tazaxan Ómirzaqovalar belsene qatnasıp, komandamızdıń joqarı nátiyjege erisiwine óz úleslerin qostı.

Institutımız studentlerin Ózbekstan chempionatındaǵı joqarı nátiyjesi menen qutlıqlaymız!

NMPI baspasóz xızmeti.