Ájiniyaz atındaǵı Nókis mámleketlik pedagogikalıq institutında Ózbekstan Respublikası Prezidentiniń «Xalıqtıń salamatlıǵı hám millet genofondın náşebentlik hám narkojınayatlardan nátiyjeli qorǵaw boyınşa kompleksli ilajlar haqqında»ǵı Pármanınıń orınlanıwın támiyinlew boyınsha ámelge asırılıp atırǵan jumıslar Bilimlendiriw hám ilim ministrliginiń juwaplı xızmetkeri Sardorbek Jóraboyev tárepinen úyrenildi.

Atap ótiw kerek, úyreniw procesinde Pármannıń orınlanıwın támiyinlew baǵdarında alıp barılıp atırǵan úgit-násiyatlaw jumısları, student-jaslar menen shólkemlestirilip atırǵan profilaktikalıq ilajlar hám usı baǵdardaǵı jumıslardıń nátiyjeliligine itibar qaratıldı.

Institutta bul baǵdarda student-jaslar arasında náshebentlik hám narkojınayatlardıń aldın alıw, salamat turmıs tárizin úgit-násiyatlaw, jaslardıń huqıqıy sawatlılıǵın arttırıw jáne olardı zıyanlı illetlerden qorǵawǵa baǵdarlanǵan úgit-násiyat ilajları shólkemlestirilmekte.

NMPI baspasóz xızmeti.