Ájiniyaz atındaǵı Nókis mámleketlik pedagogikalıq institutı Ellikqala fakultetinde oqıp atırǵan studentler menen jaslar máselelerine arnalǵan ushırasıw shólkemlestirildi.

Ushırasıwda institut profilaktikalıq inspektorı Ádilbay Mámbetsheripov, jaslar awqamı baslanǵısh shólkemi jetekshisi Erniyaz Qasımov, sport klubı baslıǵınıń orınbasarı Miralım Allanazarov elimizde jaslardı hár tárepleme qollap-quwatlaw baǵdarında ámelge asırılıp atırǵan mámleketlik siyasattıń baslı baǵdarları, institutta qábiletli jaslardı júzege shıǵarıw boyınsha alıp barılıp atırǵan jumıslar, studentlerdiń qáwipsizligin támiyinlew, bos waqtın mazmunlı ótkeriw máseleleri boyınsha maǵlıwmat berdi.

Ilaj jaslar hám tálim-tárbiya boyınsha juwapkerler menen sáwbetlesiw jáne pikir almasıwlar menen dawam etti.

NMPI baspasóz xızmeti.