Berdaq atındaǵı Qaraqalpaq mámleketlik universitetinde student-jaslar arasında milliy qádiriyatlardı keńnen úgit-násiyatlaw, ata-babalar miyrasına húrmet ruwxın arttırıw hám jaslardıń ádebiy-dóretiwshilik potencialın júzege shıǵarıw maqsetinde shólkemlestirilgen «Ulıwma milliy qádiriyatlar átirapında birlesemiz!» tańlawınıń aymaqlıq basqıshı bolıp ótti.

Tańlawǵa Qaraqalpaqstan Respublikasında barlıq joqarı oqıw orınlarınan qábiletli studentler qatnastı.

Itibarlısı, tańlawda Ájiniyaz atındaǵı Nókis mámleketlik pedagogikalıq institutınıń «Nur» komandası jaslardı milliy qádiriyatlarımızǵa húrmet ruwxında tárbiyalaw tematikasına arnalǵan saxnalıq kórinisi menen qatnasıp, sıylı 2-orındı iyeledi.

Jeńimpazlar hám sıylı orın iyeleri shólkemlestiriwshiler tárepinen xoshametlendi.

NMPI baspasóz xızmeti.