Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakulteti mektepke shekemgi tárbiya hám defektologiya kafedrası tárepinen paytaxtımız Nókis qalasındaǵı 34-sanlı ulıwma bilim beriw mektebinde «Inklyuziv bilimlendiriwde pedagog sheberligi hám birge islesiw» atamasındaǵı oqıw-ámeliy seminarı shólkemlestirildi.

«UNICEF» xalıqaralıq shólkeminiń «Ishonch-2030» hám «Smart-ED» qospa joybarı boyınsha Ózbekstan Respublikasında Inlyuziv bilimlendiriw sapası hám nátiyjeliligin arttırıw ilajları sheńberinde ótkerilgen seminarda fakultet dekanı M.Allambergenova, kafedra baslıǵı J.Bekmanova, sonıń menen birge, usı joybardıń mentorı S.Shakirova sózge shıǵıp, ilajdıń baslı maqsetine toqtaldı.

Seminarǵa inklyuziv bilimlendiriw jolǵa qoyılǵan mekteplerdiń arnawlı pedagogları jáne qánigeler qatnasıp, óz bilim hám tájiriybelerin bekkemledi.