Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası Básekilik komiteti tárepinen Ózbekstan Respublikası Básekilik komitetiniń 30 jıllıǵı hám 5-dekabr – Pútkil jáhán básekilik kúni múnásibeti menen oqıw-seminarı shólkemlestirildi.

Seminarǵa komitet qánigeleri D.Qalnazarov hám A.Utemuratov, sonday-aq, Qaraqalpaq mámleketlik universitetiniń professorı Sh.Shamshetov qatnasıp, básekilik nızamshılıǵınıń mazmun-mánisi, onıń bazar qatnasıqlarındaǵı áhmiyeti hám tarawdaǵı tiykarǵı máseleler boyınsha bayanatlar jasadı.

Qatnasıwshılarǵa «Básekilik haqqında»ǵı Nızamnıń tiykarǵı normaları, sońǵı ózgerisler hám qosımshalar, sonday-aq, komitet tárepinen nızamshılıqtıń orınlanıwın támiyinlew baǵdarında ámelge asırılıp atırǵan jumıslar haqqında maǵlıwmat berildi.

Ilaj sońında student-jaslar ózlerin qızıqtırǵan sorawlarǵa qánigelerden juwap aldı.

NMPI baspasóz xızmeti.