NMPIde doktorantura qánigeliklerine qabıllaw imtixanları baslandı

Búgin, 17-noyabr kúni Ájiniyaz atındaǵı Nókis mámleketlik pedagogikalıq institutında 2027-jıl ushın ústemlikke iye baǵdarlar boyınsha tayanısh doktorantura (PhD) hám doktorantura (DSc) qánigeliklerine qabıllaw imtixanları baslandı.
Atap aytqanda, matematikalıq analiz, kondensaciyalanǵan ortalıq fizikası, yarım ótkizgishler fizikası, botanika, zoologiya, ekologiya qánigelikleri boyınsha ótkerilip atırǵan imtixanlarda talabanlar tárepinen ilimiy-izertlew jumıslarınıń prezentaciyası islenbekte.
Imtixan processleriniń ashıq-aydınlıǵın támiyinlew maqsetinde onlayn translyaciya jolǵa qoyılǵan.
Maǵlıwmat ornında, institutta doktorantura (DSc), tayanısh hám maqsetli doktorantura (PhD), sonday-aq, ózbetinshe izleniwshilikke hújjet tapsırǵan talabanlar ushın kiriw imtixanları 17-18-noyabr kúnleri hám 20-noyabr kúni ótkeriliwi belgilengen.
NMPI baspasóz xızmeti.