Tayanısh doktoranturaǵa kiriw imtixanları shólkemlestirildi

Ájiniyaz atındaǵı Nókis mámleketlik pedagogikalıq institutında 2027-jıl ushın tayanısh doktorantura (PhD) qánigeliklerine qabıllaw procesi sheńberinde qánigelik pánlerinen kiriw imtixanları shólkemlestirildi.

Ilajda instituttıń birinshi prorektorı Q.Qodirov hám ilimiy isler hám innovaciyalar boyınsha prorektor w.a. A.Berdibaev qatnasıp, barlıq talabanlarǵa áwmet tiledi.

Imtixanlar belgilengen tártip hám talaplar tiykarında ótkerilip, talabanlardıń tańlaǵan ilimiy baǵdarları boyınsha teoriyalıq bilimleri, ilimiy potencialı hám izertlew kónlikpeleri bahalandı.

Imtixan processleriniń ashıq-aydınlıǵın támiyinlew maqsetinde onlayn translyaciya jolǵa qoyıldı.

Bul process institutta ilimiy-pedagogikalıq kadrlar tayarlaw sistemasın rawajlandırıw, ilimge umtılıp atırǵan jas izleniwshilerdi qollap-quwatlaw hám ilimiy potencialdı bunnan bılay da arttırıwda úlken áhmiyetke iye.

NMPI baspasóz xızmeti.