Dóretiwshi jaslar menen ushırasıw bolıp ótti

Ájiniyaz atındaǵı Nókis mámleketlik pedagogikalıq institutında «Máripat taratıp» joybarı sheńberinde institutta oqıp atırǵan dóretiwshi jaslar menen ushırasıw shólkemlestirildi.

Ushırasıwda Ózbekstan Jazıwshılar awqamı janındaǵı «Balalar hám jas óspirimler ádebiyatı» Keńesiniń baslıǵı, belgili shayır, «Shuhrat» medalınıń iyesi Orif Tuxtashev, Qaraqalpaqstan xalıq jazıwshısı, «Doslıq» ordeni, «Shuhrat» medalınıń iyesi, filologiya ilimleriniń kandidatı, jurnalist hám dilmash Allanazar Abdiev, Ózbekstan Jazıwshılar awqamınıń aǵzası, shayır Muhammadali Ǵafforov jaslarǵa qaraqalpaq, ózbek hám jáhán ádebiyatınıń óz ara tıǵız baylanısları haqqında maǵlıwmatlar berdi.

Sonday-aq, ilaj dawamında dóretiwshilikke ıqlas qoyǵan jaslar ózlerin qızıqtırǵan sorawlarǵa miymanlardan juwaplar aldı.

NMPI baspasóz xızmeti.