Respublikalıq tańlaw jeńimpazı Miyirxan Allaniyazova sıylıqlandı

Aldın xabar bergenimizdey, Ájiniyaz atındaǵı Nókis mámleketlik pedagogikalıq institutı Filologiya fakulteti dekanınıń jaslar menen islesiw hám ruwxıy-aǵartıwshılıq isleri boyınsha orınbasarı Miyirxan Allaniyazova «Milliy qádiriyatlar úgit-násiyatshısı» respublikalıq tańlawınıń final basqıshında 1-orındı iyelep, jeńimpaz dep tabılǵan edi.

Úrgenish mámleketlik universitetinde shólkemlestirilgen saltanatlı ilajda tańlaw jeńimpazları hám sıylı orın iyeleri sıylıqlandı.

Tańlawda jeńimpaz bolǵan Miyirxan Allaniyazovaǵa Student-jaslar menen islesiw orayınıń direktorı Abdumalik Akramov Ózbekstan Respublikası Bilimlendiriw hám ilim ministrligi atınan diplom, statuetka hám bazalıq esaplaw muǵdarınıń 50 esesi muǵdarındaǵı aqshalay sıylıqlardı saltanatlı túrde tapsırdı.

Ilaj talantlı studentlerdiń atqarıwındaǵı koncert baǵdarlaması menen dawam etti.

NMPI baspasóz xızmeti.