Sociallıq tarmaqlarda «Nókis qalası P.Seytov kóshesi boyındaǵı Nókis mámleketlik pedagogikalıq institutı aymaǵındaǵı terek egiletuǵın jerge magazin qurıp atırǵanı» haqqında múrájat járiyalandı.

Ájiniyaz atındaǵı Nókis mámleketlik pedagogikalıq institutı múrájatqa tómendegishe juwap beredi:

Mámleketlik aktivlerdi basqarıw agentligi janındaǵı Bos turǵan obyektlerden nátiyjeli paydalanıwdı shólkemlestiriw orayınıń Qaraqalpaqstan Respublikası aymaqlıq basqarması tárepinen múrájatta kórsetip ótilgen jer maydanınan 12 kvadrat metr jer «EXCLUSIVE PROVIDER» juwapkershiligi sheklengen jámiyetine 2022-jıl 10-marttaǵı ijara shártnaması tiykarında internet hám kompyuter tarmaqları arqalı xızmet kórsetiw ushın, sonday-aq, 8 kvadrat metr jer B.Kosjanovqa 2022-jıl 2-fevraldaǵı ijara shártnaması tiykarında ayaq-kiyim ońlaw ustaxanası ushın ijaraǵa berilgen.

Múrájatta kórsetilgen jer maydanı instituttıń «Jasıl mákan» joybarı sheńberinde terek egiw ushın arnalǵan jer maydanına kirmeydi.

Ájiniyaz atındaǵı Nókis mámleketlik pedagogikalıq institutı baspasóz xızmeti.