Ájiniyaz atındaǵı Nókis mámleketlik pedagogikalıq institutında Qaraqalpaqstanǵa miyneti sińgen jurnalist, belgili jazıwshı hám awdarmashı Yangibay Quchqarov hám Ózbekstan Jazıwshılar awqamı baslıǵınıń járdemshisi, belgili shayır Zavqiddin Nasimov qatnasıwında «Máripat taratıp» joybarı shólkemlestirildi.

Ilaj qatnasıwshıların instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı wazıypasın waqıtsha atqarıwshısı Qarjawbay Reymov kútip aldı hám instituttıń jańa oqıw imaratında shólkemlestirilgen Ájiniyaz muzeyi menen tanıstırdı.

Miymanlar Ájiniyaz Qosıbay ulınıń 200 jıllıǵı múnásibeti menen shólkemlestirilgen muzeydegi eksponatlarǵa joqarı baha berip, muzeydiń estelikler kitabına ózleriniń jaqsı tileklerin jazıp qaldırdı.

NMPI baspasóz xızmeti.