Ózbekstan Respublikası Prezidenti tárepinen jaslardıń innovaciyalıq ideyaların qollap-quwatlaw boyınsha belgilengen wazıypalardıń orınlanıwın támiyinlew, sonday-aq, ilim hám texnologiyalardı rawajlandırıw maqsetinde Ájiniyaz atındaǵı Nókis mámleketlik pedagogikalıq institutında usı jıldıń 25-mart kúni tómendegi baǵdarlar boyınsha tańlawlar shólkemlestiriledi:

1. «Eń jaqsı injener»;
2. «Eń jaqsı texnolog»;
3. «Eń jaqsı oylap tabıwshı»;
4. «Eń jaqsı IT joybar».

Atap ótilgen tańlawlarǵa institutta oqıp atırǵan barlıq ziyrek studentler hám jas ilimpazlar qatnasıwına boladı.

Tańlawlardı ótkeriwden tiykarǵı maqset – qábiletli, innovator jaslardı anıqlaw, olardıń innovaciyalıq ideyaların rawajlandırıw hám respublikamızdıń ilimiy-texnikalıq bazalarına usınıw jáne qollap-quwatlawdan ibarat.

Hár bir baǵdar boyınsha 1-, 2-, 3-orınlardı iyelegen studentler tómendegi muǵdarlarda materiallıq jaqtan xoshametlenedi:

1-orın – bazalıq stipendiya muǵdarınıń 3 esesi;
2-orın – bazalıq stipendiya muǵdarınıń 2 esesi;
3-orın – bazalıq stipendiya muǵdarınıń 1 esesi.

Dizimnen ótiw ushın instituttıń ziyrek studentlerdiń ilimiy-izertlew jumısların shólkemlestiriw bóliminiń +998 91 387 87 44 telefon nomerine baylanısıwıńız múmkin.