Fakultet dekanı:	Jiemuratov Rzamurat Esbergenovich
	Tel.:	+99897 355 5807
	e-mail:	rjiemuratov81@mail.ru
	fakultet veb-sayti
	Qabıllaw waqtı	Dúyshembi-Shembi Saat 10-00 den 16-00 ge shekem

Fakultet quramındaǵı kafedralar dizimi:
Matematika oqitiw metodikası
Informatika oqitiw metodikası
Fizika hám astronomiya oqıtıw metodikası

Ta’lim baǵdarları

• 5110100-Matematika oqitiw metodikası.
• 5110700-Informatika oqitiw metodikası.
• 5110200 – Fizika hám astronomiya oqıtıw metodikası.
• 60110600-Matematika hám informatika.

     Pedinstitut ashılǵan 1934-1935-oqıw jılında muǵállimlerdi tayarlaw bólimi tiykarında Fizika-matematika fakulteti qáliplesip, onıń 1-kursında 19 student oqıǵan. Fakultette Fizika-matematika ilimleri kafedrası bolıp, oǵan fizika-matematika ilimleriniń kandidatı, docent M.V.Sheglov basshılıq etedi. 1936-1937-oqıw jılında Orta Aziya mámleketlik universitetiniń fizika-matematika fakultetin pitkergen O.Buleshov, Buхara pedagogikalıq institutın pitkergen M.Galekeevlar jumısqa alınıp, fakultet jas qánigeler menen tolıqtırıladı. 1937-jılı fakultettiń 15 pitkeriwshisine Fizika hám matematika muǵallimi diplomı beriledi. 1948-1949-oqıw jılında oqıw saatlarınıń kóbeyiwi menen Fizika-matematika ilimleri kafedrası «Matematika» hám «Fizika» kafedraları bolıp ekige bólinedi. Matematika kafedrasında professor oqıtıwshılardan O.Buleshov, M.Galikeev, J.Duysenǵaliev, J.Penskiy, N.Zinovanlar, al fizika kafedrasında professor P.F.Kromer, docentlerden A.Nurımbetov, A.Nurmanov, úlken oqıtıwshı A.Junusovlar, sońǵı jılları docent A.Májitov, A.Aliev, V.N.Kim, I.P.Yugaylar хızmet etedi. Sońǵı jılları fakultetke docentlerden K.Turdanov, M.Jalelov, K.Elǵondiev, J.Seypullaev, A.Kamalov basshılıq etken bolsa, 2020-jıldan baslap házirgi kúnde docent R.Jiemuratov basshılıq etip kelmekte. Fakultet dekanı R.Jiemuratov 2022-jılı Kazan federal universitetinde hám 2023-jılı Finlyandiyada ilimiy-pedagogikalıq saparda bolıp, óz mamanlıǵın asırdı.

     Búgingi kúnde fakultette 1000 nan artıq student jaslar bilim alıp, hár jılı 300 den aslam student fakultetti pitkerip, bakalavr diplomına iye bolmaqta.  Fakultet dekanı docent R.Jiemuratovtıń basshılıǵında oqıw, ilimiy hám ruwхıy-aǵartıwshılıq tarawlarında bir qansha jetiskenlikler qolǵa kiritip kelinbekte. Házirgi waqıtta fakultet quramında Matematika oqıtıw metodikası, Informatika oqıtıw metodikası hám Fizika oqıtıw metodikası kafedraların óz ishine alıp, ulıwma 86 professor-oqıtıwshı bar bolıp, sonnan 8 ilim doktorı, 35 ilim kandidatı ham Phdlar jaslarǵa tálim-tárbiya berip kelmekte.