Ájiniyaz atındaǵı Nókis mámleketlik pedagogikalıq institutında sistemalı rawajlanıw, basqarıw jumısların jetilistiriw, aldınǵı sırt el tájiriybelerin engizgen halda zamanagóy bilimlendiriw baǵdarlamaların islep shıǵıw, joqarı qánigeli professional kadrlar tayarlawdı jańa basqıshqa kóteriw, sonday-aq, tarawda bilimlendiriw, ilim hám ámeliyattıń úylesimliligin támiyinlew máselelerine arnalǵan jıynalıs bolıp ótti.

Ilajda instituttıń ilimiy isler hám innovaciyalar boyınsha prorektorı Quwanıshbay Seytnazarov Ózbekstan Respublikası Prezidentiniń «Pedagogikalıq bilimlendiriw sapasın arttırıw hám pedagog kadrlar tayarlaytuǵın joqarı bilimlendiriw mákemeleriniń jumısların bunnan bılay da rawajlandırıw ilajları haqqında»ǵı qararı, sonday-aq, usı hújjet tiykarında ámelge asırılıwı belgilengen wazıypalarǵa keń túrde toqtaldı.

Jıynalısta fakultet dekanları, kafedra baslıqları hám tiyisli juwapkerler menen birgelikte 2023-2026-jıllar aralıǵında instituttı rawajlandırıwdıń maqsetli kórsetkishleri dodalanıp, aldaǵı wazıypalar hám jobalar belgilep alındı.