Ájiniyaz atındaǵı Nókis mámleketlik pedagogikalıq institutında Ózbekstan kásiplik awqamlarınıń 120 jıllıǵı hám 11-noyabr – Ózbekstan kásiplik awqamları kúni bayramı múnásibeti menen bir topar pidayı professor-oqıtıwshılar, pedagog hám qánige xızmetkerler, sonday-aq, student-jaslardı xoshametlewge baǵıshlanǵan sıylıqlaw ilajı bolıp ótti.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov, rektor másláhátshisi Ǵulamjan Ibadullaev sózge shıǵıp, qatnasıwshılardı bayram menen qutlıqladı hám bayram sawǵaların tapsırdı.

Sonıń menen birge, ilaj dawamında bayram múnásibeti menen institutta professor-oqıtıwshılar hám student-jaslar arasında ótkerilgen hár qıylı tańlawlarda jeńimpaz bolǵan jáne sıylı orınlardı iyelegenler kásiplik awqamı komiteti tárepinen sıylıqlandı.

NMPI baspasóz xızmeti.