Ózbekstan mámleketlik kórkem óner hám mádeniyat institutı Nókis filialında joqarı oqıw orınları student-jasları arasında «Jurtım qádiriyatları» tańlawınıń Qaraqalpaqstan Respublikası basqıshı bolıp ótti.

Student-jaslardıń oqıwdan bos waqtın mazmunlı ótkeriw, sonday-aq, jaslardı milliy hám ulıwma insanıy, jámiyetlik etikalıq, mádeniy hám ruwxıy qádiriyatlarımız, dástúr, úrp-ádet, milliy kórkem ónerimiz benen jaqınnan tanıstırıw, ámelge asırılıp atırǵan keń kólemli reformalardan jaslarımızdı xabardar etiw maqsetinde shólkemlestirilgen tańlawda joqarı oqıw orınlarınıń komandaları óz bilimi, qábileti hám saxnalıq sheberliklerin kórsetiwge háreket etti.

Quwanıshlısı, tańlawda Ájiniyaz atındaǵı Nókis mámleketlik pedagogikalıq institutınıń «Jádidler izbasarları» komandası 1-orındı iyeledi hám respublikalıq basqıshqa jollamanı qolǵa kirgizdi.

NMPI baspasóz xızmeti.